PITUDUH
1. Pangeran nitahake sira iku
lantaran biyungira, mula kudu ngurmati biyungira
2. Kahanan donya ora langgeng,
mula aja ngegungake kesugihan lan drajatira, awit samangsa ana wolak-waliking
jaman ora ngisin-isini.
3. Sing sapa lena bakal cilaka
4. Enoma, bagusa, isih darah lan
warasa kae, yen kapinteran ora duwe, kucem raine, tanpa cahya, ora beda karo
kembang randhu alas kang abang branang ora wangi ora barang.
5. Sing sapa ora gawe becik
marang liyan, aja sira ngarep-arep yen bakal oleh pitulungan ing liyan.
6. Sakbegja-begjane kang lali,
luwih begja kang eling klawan waspada.
7. Kapinteran iku sarana ngupaya
boga, tuking boga saka nyambut karya
8. Rumangsa melu
handarbeni. Wajib melu hanggondheli
mulat sarira hangrasa wani
Pangeran iku ora sare,ora samar
WEWALER
1. Aja sira deksura, ngaku luwih
pinter tinimbang sejene.
2. Aja seneng mamerake bandha
lan ngegungke pangkat, sebab bandha bisa lunga, drajat bisa oncat.
3. Aja seneng yen den alem, aja
sengit yen den cacat
4. Aja gawe seriking atining
liyan
5. Aja ngece wong ora duwe
6. Aja adigang, adigung, adiguna
7. Aja pisan nacat ing liyan,ora
ana wong kang ora cacat
Aja lali piwulang kang becik
